Health News ——-Bangud nga masobra sa sang dag-on eon nga naka lockdown ro nasyon, kaabuan sa mga Pinoy hay indi eon makapamasyar ag haeos naubusan eon it mga pamaagi agud nga mabawasan ukon mabo-oe ro andang nabatyagan nga stress.
Apang nasayuran baea ninyo nga ro epektibong pangbo-oe it stress hay ro pila sa mga household chores ukon ueubrahon sa sueod it baeay.
Suno sa mga pagtuon nga ginpatigayon it mga researchers maghalin sa Florida State University, natukiban nga epektibong stress reliever ro paghugas it pinggan.
Mag eowas sigon sa mga sikat nga stress reliever kapareho it pagpamati it musika, mayad man ro paghugas it pinggan ag paglimpyo it baeay agud nga maipaguwa ro happy hormomes ukon endorphins ag serotonin.
Raya hay bangud nga nakakaangkon sigon it sense of satisfaction ro pilang indibidwal kada makatapos it mga oeobrahon sa sueod it baeay.
