KALIBO, Aklan—Uman nga gintaw-an it pagklaro ni Aklan 1st District Congressman Carlito Marquez ro gin-amiyendahan nga resolusyon ni Kalibo Sangguniang Bayan Member Augusto Tolentino may kaangtanan sa pagconvert sa banwa it Kalibo bilang sangka siyudad.
Dag-on 2016 kat nagpasa it sangka resolusyon si SB Tolentino nga resolution 2016-423 ag gin-amiyendahan pamaagi sa resolution 2021-701 nga naka-address kay Congressman Marquez.
Bangud kara, gintaw-an sigon it kaklaruhan ro nasambitan nga isyu ag ginpatpat man ro mga rason kung ham-an nga indi pa pweding maging siyudad ro Kalibo.
Dugang pa kara nga ko ro land area ag income eamang ro pagatan-awon hay pasado ro nasambitan nga banwa, apang mabahoe man ro kakueangan sa populasyon.
Nasayuran nga kinahang-ean anay nga mag-abot ro populasyon it masbra sa 150,000 antes nga maging siyudad.
Ro banwa it Kalibo hay may una eamang nga 83,000 nga populason base sa datos ko ko dag-on 2015.
