KALIBO, Aklan—Welcome development para sa Commission on Elections (Comelec) Aklan ro pagka-apruba it House Bill 6095 ukon ro pagtaas it spending limit campaign it mga kandidatong magapailihir sa 2022 elections.
Suno kay Crispin Raymund Gerardo, tagapaghambae it Comelec Aklan nga engkasong maging laye raya hay eauman nga makatotohan eon ro statement of contributions and expenditures nga igasumiter it mga kandidato.
Ginpaathag nga uwa it pumueoyo nga magapati nga tatlong piso eamang ro ginagastos it kada kandidato sa kada botante rason nga raya ro sambilog nga nagata-o it manabang kredibilidad sa kada pagpatigayon it elections.
Ginpahayag dugang ni Gerardo nga mabahoe ro maibulig it nasambit nga proposisyong laye bangud nga sa kamatuoran hay manaba eamang ro dating spending limit para sa mga kandidato rason nga napipilitan ro mga raya nga uwa ginadeklara tanan ro andang gastos.
Nasayuran nga sa idaeom it proposisyong laye, halin sa tatlong piso kada botante hay puwedeng gumastos ro mga kandidato it 30 pesos kada botante para sa lokal nga posisyon samtang 50 pesos mat-a sa national position.
