Ginakabig nga ro pagka-ilihir kay Rep. Kevin McCarthy bilang US House speaker hay ro pinakamahaba nga “speaker contest” sa sueod it 164 years.
Raya hay matapos nga mag-abot sa pilang adlaw nga negosasyon ag 15 nga rounds of voting.
Suno kay Bombo International Correspondent Greg Aguilar it California, USA nga ro nasambit nga eleksyon hay nagtuga it kinagamo sa Kamara kaeakip ro sangka pambihirang pag-atubang nanday ni McCarthy ag Rep. Matt Gaetz sa ika-14 round it botohan.
Sa pihak kara, nakahimo man it kasaysayan si Democrat Rep. Hakeem Jeffries, nga naging unang Black lawmaker nga nagpamuno sa sangka partido sa Kongreso.
Samtang, nagpaabot man it anang pagtamyaw si US President Joe Biden sa kadaeag-an ni Speaker-elect Kevin McCarthy kamana man nga nagpaathag raya it kahauman nga makipagbueoligan sa mga Republican
