Ginproponer ni Senate President Pro Tempore Jinggoy Estrada ro pagkakas it mandatory Senior High School (SHS) sa K to 12 program para ubrahon nga mas makabuluhan ro sistema it basic education sa nasyon.
Sa gindihon nga Senate Bill No. 3001, ginpamilit ni ni Estrada ro mga hangkat it SHS program, kaibahan ro sobrang abo nga curriculum, overworked nga teachers ag mga estudyante, ag manabang employment rate it mga nagtapos — kun siin 10% eamang ro naga-sueod sa labor force, kaabuan sa informal sector.
Dugang pa kara, nagnaba ro kumpiyansa it publiko sa SHS program halin 41% ku 2023, sa 33% makaron nga 2025.
Suno kay Estrada, ro anang ginproponer nga amyenda hay naga-tuyong ubrahong simple ag maayos ro sistema it high school samtang ginapabilin ro kalidad it edukasyon nga insakto sa pangkalibutanong pamantayan.
Sa idaeom it anang pahayag, magiging sang dag-on ro kindergarten, an-om nga dag-on ro elementarya, ag ap’at nga dag-on ro secondary education.
Magapabilin man ro mga nagapangunang prinsipyo it RA 10533 para masiguro ro dekalidad nga edukasyon para sa mga estudyante.
