Nagapati ro mga otoridad nga aksidente ro pagkakuryente it sangka eaeaki sa Brgy. San Roque, Malinao nga nagresulta sa anang hinali nga kamatayon bangud nga nataeopangdan raya nga una sa idaeom it impluwensya it aeak kat nabuytan ro service drop wire it street lights sa public plaza it nasambit nga lugar.
Ginkilaea ni PLt. Gelbert Batiles, OIC chief of police it Malinao Municipal Police Station ro biktima nga si Felicesimo Francisco Jr., 45-anyos ag residente man it nasambit nga barangay.
Posible suno kana nga may leakage ro service drop wire nga anang nabuytan rason nga raya hay nakuryente.
Nadaea pa sa ospital it municipal disaster risk reduction management office ukon mdrrmo Malinao ro biktima sa Aklan provincial hospital apang gindeklara it attending physician nga dead on arrival.
Samtang, insigida man nga gin-ayos it barangay council ro nasambit nga kuryente agud nga uwa eon it mabiktima nga iba.
Samtang sa pihak nga parte, nagpadumdom man si PLt. Batiles sa mga Malinaonon nga maging viligante sa tanan nga oras agud nga maamligan ro andang kasimaryo.
Nagapadayon man suno kana ro andang pag-implementar sa mga ordinansa nga ginapatuman sa nasambit nga banwa.
