KALIBO, Aklan—Nakikipag-angot eon ro pulisya sa lokal nga gobyerno it Malay, Aklan agud mataw-an it solusyon ro mga problema nga ginakaeakutang it mga ladyboy sa isla it Boracay.
Sa interview it Bombo Radyo, ginpahayag ni Aklan Police Provincial Office (APPO) Director Police Senior Superintendent Lope Manlapaz, nga inde eon sigon mapunggan ro uman nga pag-abo it mga bading sa sikat nga isla halin kat ginbuksan raya sa publiko ko nagtaliwan nga dag-on ag naging “bucketlist” destination it uman it mga dumueoong nga turista.
Aminado ro opisyal nga kinahang-eang matapna ro bulok nga ginahimo it mga lady boy nga naghalin pa sa nagkaeain-eain nga probinsya sa rehiyon kon siin, sanda sigon ro nagapangunang nagasamad sa imahe it “new Boracay” matapos raya nga ipasarado it an-om nga buean ni Pangueong Rodrigo Duterte bangud sa environmental issue.
Ginpahayag dugang nga ro uman nga pagkalhit it mga bading hay ro pag-umpisa man it sunod-sunod nga insidente kon siin, ro mga biktima kara hay ro mga dumueoong it turista.
Madumdumang namatay ro sangka bading matapos nga nagpaturok it collagen sa kaparehas nga bading sa kagustuhang magbahoe ro dughan ag buli kamana man ro dumueoong nga si Shenglin Hong, 30, ginbuno hasta nga namatay bangud sa nagpamalibad nga magbayad sa mga lady boy nga naka-threesome.
