KALIBO, Aklan — Gusto nga pa-imbestigahan it mga ginikanan it 12 anyos nga ungang eaeaki ro pagkamatay kara matapos nga maturukan sigon it measles-rubella ag tetanus-diphtheria nga ginpangunahan it mga taga-Rural Health Unit (RHU) nga ginpatigayon it Makato Integrated School sa probinsiya it Aklan.
Suno kay Lea Nadal, ina it biktimang si Kent Richie Nadal, grade 7 student it nasambit nga eskwelahan nga ku Agosto 13 kat ginturukan ro anang unga it nasambit nga bakuna bilang kaparte it school-based immunization program.
Pagka gabi-e hay naka-experiensiya raya it mataas nga eagnat kabangdanan nga insigida sa Aklan Provincial Hospital nga gin-refer sa sangka cardiologists sa Iloilo City bangod sa pag-angkon it palpitations ukon madasig ag irregular nga pitik it puso.
Ginbawi-an it hueam nga kabuhi sa ospital ku Agosto 19 kabangdanan it cardiogenic shock ag myocarditis.
Samtang, ginpamalibaran it ina nga may gin pirmahan imaw nga parents consent agud patigayon ro pagbakuna sa anang unga.
