Kalibo Aklan ———-Nagapadayun ro imbestigayon it Kalibo Municipal Police Station agud nga matumod kon may foul play sa pagkamatay it sangka 63 anyos nga caretaker it fish pond sa Sitio Mahabang Bantod, Brgy. Pook, Kalibo.
Nakilaea ro biktimang si Edwin Briones Ubas Sr. , 63 anyos, sangka caretaker it tangke , residente it Man-up, Batan ag temporaryong naga istar sa nasambit nga lugar.
Base sa report, nagpabakae raya it anang bueong kahapon nga adlaw .
Ginabugtaw eon kunta ro biktima it anang kaibahan nga maga-harvest it bang-eos sa sueod it anang payag , apang owa eon raya it kabuhi.
Ginpahayag dugang nga ro biktima hay dating gwardya sa Bataan ag nag-uli eamang sa Aklan may daywang dag-on eon ro nagtaliwan bangud sa anang sakit kun sa siin hay tagabantay raya it katangkehan mkakaron.
Insigida man nga ginpahisayod sa anang pamilya ro natabu sa biktima .
