POLICE Report — Padayun makaron ro imbestigasyon sa trahedyang gindangatan it sangka 20-anyos nga senior high school student nga namatay samtang sa graduation ceremony sa General Santos City.
Ginkilaea it General Santos City Police Office ro biktima nga si Khentjoy Balsomo Beatisula, residente it Barangay Fatima it nasambit nga siyudad.
Suno sa ina it daeaga, nag-agto ro anang unga sa Banisil National High School bandang alas-3:00 it hapon para sa andang graduation rites.
Makataliwan ro pilang minuto, eubus nga nakibot ro ina nga makitang nagahamyangon ro anang unga ag may mga nina sa tuhod ag kilay.
Sa inisyal nga impormasyon, nagasako nga nagsueod sa venue it andang graduation sa eskwelahan ro biktima kat gina-alegar nga raya hay nadusmo ag tumama ro ueo sa sementong saeog.
Sa opisyal nga pahayag it Banisil National High School, ro mga manugturo ag kaklase ni Khentjoy hay nagpahayag it andang grabeng kasubo angot sa insidente.
