KALIBO, Aklan—Mabahoe ro naging epekto sa operasyon it Kalibo International Airport it nagapadayun nga pagkansela it byahe it mga naga-uli nga Locally Stranded Individuals (LSIs) sa probinsya it Aklan.
Suno kay Civil Aviation Authority of the Philippines (CAAP)-Aklan Manager Engr. Eusebio Monserate Jr., may pila eon ka mga airline company ro nagkansela it andang byahe hasta it Setyembre 30 bangud sa kawad-an ag grabeng pagnaba it numero it mga pasahero.
Dugang pa kara nga, maabo eon man nga mga International airline companies ro nagdeklara it bankruptcy tuga it mabahoe nga kalugian bangud sa padayun nga epekto it pandemya nga daea it COVID-19 sa bilog nga kalibutan.
Samtang, engkaso sigon nga uman eon nga pagapasugtan ro pag-uli it mga LSI hay haum man ro paeuparan para sa pagbaton it mga raya.
Angot kara, hugut man suno kana nga ginapatuman sa paeuparan ro striktong pag-implementar it mga health protocol sandig sa ginpagguwa it Department of Health.
Kaibahan eon kara ro daywang beses sa sang adlaw nga pag-disinfect sa mga opisina, mandatory nga pagsuksok it face mask ag face shield kamana man ro pag-obserba it physical distancing agud nga malikawan ro pagkalhit pa it virus.
