Sa pagkaong Pilipino, patok sa kada pamahaw ro itlog.
Gina-eaha raya sa nagkaeain-eain nga pamaagi kapareho it scrambled eggs, sunny side up ag boiled eggs.
Bangud kara, maabu ro curious kon mayad baea sa ikamayad nga eawas ro pirme kara nga pagkaon.
Ro sangka itlog hay naga angkon it haeos 78 nga calories ag 6 grams it protein.
Pwede man raya nga maging source it protein ag nagkaeain-eain nga nutrients kapareho it vitamin D.
Raya hay nakakabulig sa bone health ag immune system it tawo.
May una man raya nga choline nga nakakabulig man sa metabolism , maayos nga pag function it liver ag maskin sa brain development.
Sa sangka pagtuon ko 2018 nga gin publish sa heart journal, nakita sa haeos tunga sa milyon nga Chinese adults nga may manami nga epekto ro pagkaon nanda it itlog adlaw adlaw.
Nasayuran nga nagnaba ro peligro nanda it pag angkon it heart disease.
Maskin ro risk it stroke kaysa sa mga mas bihira ro pagkaon it itlog.
Nakita nanda sa pagtuon nga may una nga higher levels it protein sa dugo ro mga participants nga nagakaon pirme it itlog nga ginatawag nga apolipoprotein A1.
Kilaea man raya sa tawag nga good lipoprotein.
Nagabulig raya nga maduea ro cholesterol sa blood vessels rason nga nalilikawan ro blockages sa tagipusuon nga nagiging rason agud nga ma-stroke ag heart attack.
