Health News———-Masami nga kung magkaon it prutas nga saging hay ginahaboy ro panit kara.
Samtang pamilyar man sa kaabuan nga matam-is ag fruity ro sueod it saging, apang sangkiri eamang ro nagventure agud testingan nga kan-on ro anang panit.
Suno kay Adda Bjarnadottir, sangka registered nutritionist sa Iceland, mag-euwas nga malikawan ro food waste, indi pa mauyang ro vitamins ag minerals nga maitao it sangka banana peel ukon ro panit it saging kung siin epektibo man para sa mga naga diet.
Manggaranon ro panit it saging it pilang ka mga key nutrients kaibahan eun ro potassium, dietary fiber, polyunsaturated fats, ag essential amino acids.
Ro fiber nga una sa panit it saging hay imaw ro nagabalanse it blood sugar levels ag nagapaboost it heart health.
Samtang ro potassium man nga una sa sa banana peel ro nagabulig sa pagregulate it blood pressure levels ag nagapabuhin it risgo sa pagkaangkon it kidney stones.
Pahayag it sangka nutritionist, manggaranon man ro panit it saging sa antioxidants nga nagapabuhin it inflammation ag nagaproteher sa eawas it tawo kontra sa nagkaeain eain nga masakit kapareho it heart disease, cancer ag diabetes.
Ro banana peel ukon ro panit it saging ro mahimo nga i-bake, pabukaean, ukon prituhon ag mahimo man nga ieakot sa mga recipe.
