HEALTH News–Ro mga anti-inflammatory foods hay pangsukoe sa paghaeok it mga baga ukon lungs hay nakababawas sa mga sintomas.
Raya hay ro green tea nga naga angkon it maabu nga anti-oxidants nga makabulig para malikawan ro paghaeok it baga.
Ro compounds kara hay pwede man nga protektahan ro tissue sa baga para sa makahaealit nga epekto it paghanggop it asu it sigarilyo.
Mayad man ro mga orange nga prutas ag tinuea kapareho it kaeabasa, orange, ag kapaya nga puno it antioxidant nga sustansya para sa baga.
Kaibahan man ro Vitamin C nga kilaeang pangsukoe sa impeksyon ag paghaeok.
Samtang, ro omega-3 fatty acids nga makit-an sa isda kapareho it sardinas, tamban, tuna ag salmon hay nagabulig agud nga mabawasan ro paghaeok it baga ag pangsukoe man sa bakterya.
Ro beans nga mayad sa tagipusuon hay mayad man para sa baga.
Raya hay naga angkon it zinc, selenium ag manganese.
Sa pihak nga parte, nagatau ro mani sa atong eawas it Vitamin E, ag nakakabulig nga bawasan ro paghaeok ag pagpabaskog sa immune system.
Mag inom it maabu nga tubi.
Ro mainit nga tubi hay mayad agud nga maduea ro sakit sa tutunlan ag maprotektahan ro baga sa iritasyon pinaagi sa pagbo-oe it plema.
Importante nga pirmeng bastante ro tubi sa eawas agud nga mag-eabnaw ro plema ag madali raya nga maipaguwa ag indi eon magbara sa gina agyan it hangin.