HEALTH News–Ro mga pagkaon para sa utok ag memorya hay ro mga matambok nga isda, mani ag olive oil.
Ro pagkaon it mga matambok nga isda kapareho it sardinas, tuna, tamban, mackerel ag salmon hay pwedeng magpabilin sa atong memorya.
Ro omega-3 fatty acids hay makit-an sa mga matambok nga isda.
Ro berdeng tinuea, broccoli, tangkong, spinach, kamote, strawberry ag iba pang pagkaon nga bugana sa Vitamin C ag E hay makabulig man.
Ro mga pagkaon nga naga-angkon it antioxidant hay makabulig sa pagsukoe sa free radicals nga pwedeng magsamad sa atong utok.
Natukiban nga ro mga pagkaong bugana sa Vitamin C ag Vitamin E hay posibleng mabawasan ro peligro it Alzheimer’s disease.
Pwede man ro mga pagkaon nga mataas sa flavonoids kapareho it tea, mansanas, orange, suwa, repolyo, bawang, sibuyas, kamatis, peas ag beans.
Natukiban sa sangka pagtuon nga ro pagkaon it prutas ag tinuea hay makakabawas sa pagkasamad it utok ag pagkamuli-anon.
Ro Curry powder ag turmeric hay nagapa-abtik man it memorya.
Sangka nagapangunang sangkap it curry powder hay turmeric nga naga angkon it curcumin.
Ro curcumin hay sangka epektibong anti-oxidant ag anti-inflammatory.
May pagtuon nga nagahambae nga posibleng mas gumana ro utok kon pirme ro pagkaon kara.
Tandaan: Bawasan ro mga pagkaong mataas sa saturated fat, trans fat ag cholesterol kapareho it tambok it karne, margarine ag processed foods.
Ro mga pagkaong abu nga asukar hay pwedeng makadugang sa peligro it type 2 diabetes, sangka kondisyon nga pwedeng magpabahoe it ap-at nga beses it peligro sa sakit nga Alzheimer’s disease.
