Mabahoe ro pagpati it pamilya Lopez nga posibleng hungod nga ginsunog ro andang boarding house sa Abierra Road, Roxas Avenue Extension, Barangay Andagao, Kalibo.
Suno kay Dioleto Lopez, tag-iya mismo it boarding house nga nakibot eon lang imaw pag-abot nana halin sa tindahan kon siin imaw nagabaligya it manok nga haeos katunga eon ro gin-eamon it kaeayo.
Uwa suno kana it tawo ro baeay sa oras it insidente mag-eowas sa andang ginakabig nga kabulig nga sangka miyembro it LGBTQ community nga si Rommel Gallera, 24-anyos ag residente it Brgy. Daja Norte, Banga.
Ginpahayag dugang ni Mr. Lopez nga naghinyo eamang raya nga magboard kanda matapos nga ginpahalin sa tindahan nga anang ginaobrahan ag bangud nga uwa man sanda it kabulig hay ginbaton nanda raya.
May uwa sanda nailaan sa ugalin ni Gallera ag raya sa makaron ro ginaturo nanda nga may kahimuan sa insidente nga tumupok man sa bodega it mga pvc ag electrical pipes nga ginapanag-iyahan ni Engr. Dildo Mationg.
Sa makaron ro insidente hay padayon pang ginaimbestigahan it Bureau of Fire Protection ukon BFP Kalibo.
