KALIBO, Aklan—Pagkatapos it pagpanaeasa it Super Typhoon Pepito, manaba ro tsansa nga makaangkon it panibag-ong bagyo nga mabilog sa Philippine Area of Responsibility hasta sa katapusan it Nobyembre.
Suno kay Terrence Toriano, head it Municipal Disaster Risk Reduction and Management Office ukon MDRRMO-Kalibo nga raya hay base sa forecast it PAGASA.
Suno kana nga bangud nga owa pa ro Northeast Monsoon ukon Amihan hay nakakasueod ro mga bagyo sa naaminhan nga parte it nasyon.
Kaeabanan sigon sa mga bagyo nga magasueod sa Pilipinas hay magatama sa tunga bangud sa amihan .
Bangud kara, nagpaandam si Toriano nga ro posibleng mga masunod nga bagyo hay sa aton nga area magasueod.
Dugang pa nga mataeupangdan man sigon ro pag-abu makaron it numero it mga bagyo nga una sa typhoon ukon super typhoon category.
