-- ADVERTISEMENT --
ANTIQUE – Padayun nga ginatumod it mga awtoridad ro pagkatawo it nakit-an nga bangkay it babaye nga owa it ueo ag mga alima sa kasagsagan it mabaskog nga buhos it uean agahon it Domingo, Setyembre 15 sa Brgy. Aguila, Sebaste, Antique.
Sa report it Municipal Disaster Risk Reduction Management Office (MDRRMO) bandang alas-7:00 it agahon kat nakit-an ro bangkay it babaye nga owa it ueo ag mga alima sa nasambit nga lugar.
Insigida nga gindaea it mga awtoridad sa Sebaste Community Hospital ro bangkay it babaye.
Nagpanawagan man ro mga awtoridad sa publiko nga may mga igbata nga nadueang babaye nga makipag-angot sa andang taeatapan.
