Hugut nga ginabawae ro pagkatay it baboy ag iba pang kasapatan sa ugsaran it baeay.
Raya hay kasunod it pag angkon it double A standard nga slaughterhouse it banwa it Kalibo.
Suno kay Kalibo Mayor Cynthia Dela Cruz nga mabuhay eon nga laye ro pagbawae sa pagkatay it mga kasapatan sa mga panimaeay , apang gin-tolerate eang dati bangud sa kawad-an it maayos nga pasilidad.
Apela nana nga sundon ro patakaran bangud nga raya hay para sa kamaeayran it tanan.
Sa pihak nga parte, ginklaru it bise alkalde nga kon ro sapat hay patay eon nga gindaea sa slaughterhouse hay owa eon raya ginabaton bilang pagdahan sa paeag it African swine fever ukon ASF.
Ro tanan sigon nga mga ginabaligya nga baboy sa mga meat shop hay kinahangean nga may permit agud nga makasigurado nga nag agi sa slaughterhouse kun sa siin may promo pa sa pagbo-oe kara sa balor nga 150 pesos.
Sa masunod nga binuean hay posibleng mapasaka raya sa 250 pesos base sa naunang nakasugtanan nga nakabaehag sa bag-ong ordinansa.
