KALIBO, Aklan — Nagaeaum si Atty. Harry Sucgang, sangka political analyst sa Aklan nga kabay nga mataw-an it katumanan ro handum it mga pumueuyung Pilipino nga mawakasan eon ro korapsyon sa nasyon.
Raya hay matapos nga hayagan nga ginbatikos ni Pangueong Ferdinand Marcos Jr., sa anang ika-ap-at nga State of the Nation Address (SONA) ro mga korap nga opisyal ag empleyado it gobyerno nga nagapanakaw it pondo nga nakataeana para sa infrastructure projects, kapareho it flood control projects.
Suno kay Atty. Sucgang nga engkaso nga may masampolan nga opisyal kapareho it pahayag ni Marcos nga pagapasabton ro mga raya hay mabahoe ro posibilidad nga mapahagan-hagan ro korapsyon sa Pilipinas.
Nasayuran nga sa pag-inspeksyon it Pangueo sa naging epekto it Habagat, Bagyong Crising, Dante, ag Emong hay natukiban nana nga maabu nga proyekto para sa flood control ro palpak ag nahugos samtang ro iba hay owa pa na-umpisahan.
Ginpasiguro it Pangueo nga sa masunod nga buean hay pagakasuhan ro tanan nga mga nagkasaea halin sa imbestigasyon pati eon ro mga kasabwat nga mga kontratista sa nasyon.
