KALIBO,Aklan– Ginpanugyan ni Dr. Glenford Refre, sangka internal medicine ag pulmonologist nga maging responsable ro kada isaea sa paglimpyo sa palibot.
Raya hay matapos nga may nailista eon it kaso it Japanese Encephalitis sa Western Visayas partikular sa probinsya it Iloilo.
Suno kana, ro nasambit nga masakit hay maghalin sa angkit it eamok nga ginatawag nga Culex mosquito nga nagadaea it viral infection nga ro sintomas hay kaparehas sa dengue apang mas malala ro infection nga maangkon it indibidwal nga tinamaan kara eabi eon kon inde egi maagapan.
Maskin nga tumaeagsahon eamang ro symptomatic it Japanese Encephalitis, ro case-fatality rate kara hay nagaabot sa 30%.
Nasayuran nga sa probinsya it Iloilo hay nakarekod it 14 nga kaso kon sa siin ap-at kara ro namatay.
Ginpahayag dugang nga maeagko nga mga eamok ro masami nga may daea it nasambit nga baeatian kon sa siin kaeabanan kara ro makit-an sa ugsaran ag kun may mga ginaalagaan nga baboy ag sa mga rice field.
