Gin-engganyo it Department of Agriculture-Bureau of Animal Industry ro mga livestock farmers nga i-report ro mga nagamasakit nga alagang sapat agud nga malikawan ro outbreaks sa nasyon.
Raya hay kasunod it pagkatay it DA-BAI sa 94 nga imported nga kanding halin sa United States sa “secluded” farms sa Pampanga ag Marinduque, matapos magpositibo sa unang nailistang mga kaso it Q fever sa nasyon.
Ro Q fever hay sangka zoonotic disease nga posibleng maipasa sa mga sapat pinaagi sa contact sa infected animals ukon body fluids it mga raya.
Suno kay BAI National Veterinary Quarantine Services Division officer-in-charge Dr. Christian Daquigan nga pwedeng direktang makipag-angot sa local livestock farmers sa municipal offices it DA engkasong maobserbahan ro mga sintomas sa mga sapat, may kaangtanan man raya sa Q fever ukon owa.
Samtang, ginpasiguro ni Daquigan ro mas hugut nga border measures ag mas maeapad nga surveillance sa Pampanga ag Marinduque.
Sa makaron, owa pa it napabalita ro livestock farmers sa mga apektadong farms sa Marinduque ag Pampanga nga Q fever infection.
