KALIBO, Aklan—Ginkalipay ni Environment Sec. Roy Cimatu ro ginpaabot kana nga impormasyon nga mas pang nagnaba ro coliform level sa isla it Boracay ko buean it Nobyembre sa 6.8 “most probable number per milliliter.”
Ro mga samples hay ginbo-oe halin sa mga baybayon nga maeapit sa New Coast Boracay, Movenpick, Steve’s Cliff, ag Front Beach Grotto.
Antes nga ginpasaraduhan ro Boracay ko 2018, ro coliform level hay naga-abot sa linibo hasta minilyon , kun sa siin ro standard coliform level hay 100 MPN per 100 milliliter suno kay Cimatu.
Angot kara, ginpasiguro nana nga magapadayun ro pagtinguha it gobyerno sa pag-rehabilitate sa isla kamana man ro paglimpyo sa mga illegal nga istraktura.
Gindugang pa kara nga sa kabilugan nga siyam nga mga natumod nga wetlands sa isla, lima eon ro andang nalimpyuhan halin sa mga illegal nga naga-istar kara.
