Ginpamilit it senado nga mabahoe nga hangkat makaron sa gobyerno kon paalin nga mapanaba ro inflation.
Raya hay kasunod it pag-umwad it ekonomiya matapos mailista ro 7.6 percent GDP growth rate para sa dag-on 2022.
Suno kay senador Sherwin Gatchalian, ro sangka mabahoe nga hangkat nga dapat taw-an it sabat hay ro pagpanaba sa inflation rate partikular eon ro mataas nga presyo it pagkaon.
Dugang pa sa mga hangkat hay kon paalin nga mapuslan it mga Pilipino ro nasambit nga pag-umwad it ekonomiya sa pihak it mga epekto it global pandemic.
Nagaeaum ro senado nga magaresulta man sa pag-umwad it nasyon ro pagpabaskog sa revenue collection nga magiging daean para masuportahan ag mapaeapad it gobyerno ro mga programa paagto sa full-recovery it nasyon.
