KALIBO, Aklan—Dapat nga istoryahan it nagkaeain-eain nga sektor kung may matabo eun nga pagbag-o sa pamasahe sa mga nagabiyahe nga tricycle sa banwa it Kalibo.
Suno kay Kalibo Sangguniang Bayan Member Augusto Tolentino nga dapat magpatawag eun it committee hearing ro chairman it committee on transportation nga si SB Matt Guzman ag dapat nga imbitahan ro Federation of Kalibo Tricycle Operators and Drivers Association Inc. ukon FOKTODAI, asosasyon it mga senior citizen ag PWD’s, market vendor association, media, local IATF ag employer’s association agud nga mapamatian ro mga punto kara angot sa kontrobersyal nga isyu.
Madumduman nga ginpasugtan eun nga magpadugang it andang pasahero ro mga tricycle driver sa banwa it Kalibo matapos nga ginpaidaeum sa alert level 2 ro probinsya it Aklan bangud sa pagnaba it mga kaso it covid-19.
Kadungan man kara ro panawagan it puliko nga panabaan eun ro andang ginabayaran nga pamasahe.
