Nagaeaum si Samahang Industriya ng Agrikultura (Sinag) President Rosendo So nga maganaba ro presyo it asukar sa P65 hasta it P70 sa masunod nga buean.
Raya hay samtang nagaumpisa ro tyempo it tig-aeani ag mga shipments sa idaeom it 150,000-metric tons importation order hay nag-umpisa eon nga magaeabutan.
Suno kana, mas maganaba pa raya kon mag-umpisa eon ro ani it mga local producer it mas mabahoe nga volume.
Ginsambit man ni So nga ro pag-abot it 150,000 metriko tonelada it asukar, nga may greenlight halin kay President Agriculure Secretary Ferdinand Marcos Jr. sa idaeom it Sugar Order No.2 hay parehong magapabahoe sa nabilin nga stock it asukar sa nasyon.
Ginpasiguro man nana sa publiko nga ro pag-import it asukar hay inde makaapekto sa mga lokal nga producer it asukar.
