-- ADVERTISEMENT --
KALIBO, Aklan—Temporaryo anay nga suspendido ro pagpa-uli it mga Locally Stranded Individuals (LSIs) ag Returning Overseas Filipino (ROF) sa banwa it Buruanga.
Raya ro nakabaehag sa Executive Order No. 30 nga ginpaguwa ni Buruanga mayor Concepcion Labindao.
Suno kana nga ginsuspinde anay nanda ro pagpasueod it mga LSI ag ROF sa andang banwa nga magiging epektibo disyembre 5 hasta enero 2, 2021 bangud sa punuan nga quarantine facility.
Kadungan kara, nagpangayo imaw it pasaylo sa mga kasimanwa nga gusto kunta nga mag-uli makaron nga holiday season.
Ro banwa it Buruanga hay nakalista pa eamang it sambilog nga kaso nga sa owa it swerte hay namatay ro pasyente.
-- ADVERTISEMENT --
