Kalibo Aklan ——–“Kinamatarong it tawo kung magpabakuna ukon indi”.
Raya ro panindugan it sangka batikan nga abugado ag miyembro it Sangguniang Panlalawigan sa probinsya it Aklan nga si Atty. Harry Sucgang.
Suno kana nga ro Pilipinas hay una sa idaeum it demokrasya rason nga may kinamatarong ro sangka tawo kung ano ro anang panindugan mas kapin eun pag-abot sa pagpaturok it bakuna kontra COVID-19.
Klaro man suno pa kana nga indi masarangan it pasilidad it nasyon engkasong isueod sa kulungan ro mga indi magpabakuna.
Sa Metro Manila pa eamang sigon hay mingko ginsueod eamang sa hawla it manok ro mga preso mas kapin pa ayhan kung sa bilog nga nasyon igapatuman.
Gindugang pa kara nga kung masunod ro gusto ni Pangueong Rodrigo Duterte hay mas pang magataas ro kaso it COVID-19 bangud nga magadoeotdotan eamang ro mga pomoeuyo sa presuhan.
Madumduman nga una eun nga ginpahayag ni Pangueong Duterte nga anang igapakulong ro mga pomoeuyo nga indi magpasugot nga mabakunahan kontra COVID-19.
