Uman nga ginapanawagan it senado ro pagpabaskog it salt industry it nasyon bilang sangka potensyal para sa pag-umwad it ekonomiya ag oportunidad para sa dugang nga kita sa mga Pilipino.
Bangud kara, nag apela si Senate President Pro Tempore Loren Legarda nga insigidang iduso it Senado ro Senate Bill 1870 nga ginaeauman nga magasabat sa mga hangkat ag agwat para obrahon nga competitive ro salt industry sa local ag international markets.
Tuyo man it proposisyon ro pagtukod pa it mas maabu nga pangabuhian para sa mga salt farmer.
Agud nga mapabaskog ro local salt production it nasyon, ginhinyu ni Legarda ro pagtau it bastante ag nakakaengganyong insentibo para sa mga investors nga siguradong makabulig para mabawasan ro pagiging dependent it nasyon sa salt importation.
