KALIBO, Aklan—Pagataw-an it proyoridad it magiging administrasyon ni Presidential candidate Manila Mayor Isko Moreno Domagoso engkaso nga magdaog bilang pangueo sa May 9 elections ro pagpabaskog sa sektor it agrikultura sa nasyon.
Gintaw-an it punto ni Mayor Isko ro importansya it mabakod nga agriculture ag manufacturing production agud nga masiguro ro food security.
Tyempo eon sigon para taw-an it nagakaigo nga igtueopangod ro mga mangunguma bangud mabuhay eon sanda nga napabay-an.
Nagapati si Moreno nga mabahoe ro papel it nasambit nga sektor sa uman nga pagbangon it ekonomiya.
Dapat sigon nga punduhon eon ro pagsakdag sa importasyon ag sa baylo hay paumwaron ro produksyon it mga lokal nga mangunguma.
Pila sigon sa mga dapat nga usisaon it gobyerno hay ro masyadong mataas nga presyo it fertilizer ag krudo sa merkado.
