Ro pagpabaskog sa coconut industry ro nagapabilin nga sambilog sa mga prayoridad ni Pangueong Ferdinand Marcos Jr.
Raya ro ginpahayag ni Palace Press Office Atty. Claire Castro rason nga kaibahan ro suhestiyon nga pag-amiyenda sa Coconut Farmers and Industry Trust Fund Act sa 21 priority bills nga target maipasa antes nga matapos ro Hunyo base sa naistoryahan sa LEDAC meeting.
Suno kay Castro, hugut ro direktiba it Pangueo nga dapat mabuligan ro mga mangunguma it niyog agud nga mapabaskog ro produksiyon para sa export.
“Binigyang-diin po ng Pangulo na dapat matulungan natin ang coconut farmers natin dahil tayo raw ang nag-e-export, second tayo sa pinakamalaki na nag-e-export sa buong mundo. So, pinatututukan din ito ng Pangulo,” suno kay Castro.
Ro Pilipinas ro dating nagapangunang exporter it niyog sa bilog nga kalibutan apang naagaw raya it Indonesia bangud nga kaabuan sa mga puno it niyog sa nasyon hay magueang eon ag mahina eon ro bunga, mag-eowas pa nga maabu ro nasamad sa pagpanaeasa kato it Bagyong Yolanda.
Pinaagi sa pag-amiyenda sa laye sa coconut hay ginaeauman nga makabawi ro Pilipinas ag mapabaskog ro kita it mga coconut farmers.
Kaparte it pagpabaskog sa coconut industry hay makatanum it syen milyones nga puno hasta sa 2028 bilang kaparte it limang dag-on nga Massive Coconut Replanting Project pinaagi sa Philippine Coconut Authority.
