KALIBO, Aklan—Gintalakay sa ginpatigayun nga session it Sangguniang Bayan it Kalibo ro pagpabilin sa health and safety protocols kontra COVID-19.
Mayorya sa mga miyembro it konseho ro nagpahayag nga kinahang-ean gihapon ro strikto ag tama nga pagsusksok it face mask it mga pumueoyo eabi eon kun nagaguwa it andang panimaeay.
Raya hay bangud nagapabilin pa ro paeag it COVID-19 ag iba pang variants.
Indi sigon pwede nga magpakampante ro tanan kundi dapat nga maging vigilante para malikawan ro uman nga pagtaas it kaso it infection.
Gintaw-an it punto it mga opisyal nga ro pagpabakuna gihapon kontra COVID-19 ro pinaka-importante para daeayuon nga matapna ro pagkalhit it virus.
Sa pihak kara, gina-engganyo man ro publiko nga insigidang magself-isolate sa oras nga makabatyag it sintomas agud nga indi eon makatapon pa sa ibang miyembro it pamilya ag komunidad.
Raya sigon tanan hay nagakinahang-ean it hugut nga kooperasyon it kada isaea para masigurong euwas sa tunga it pandemya.
