KALIBO, Aklan–Uman nga gin-insister ni Fr. Jude Rebaldo, kora paroko it St. Joseph Spouse of the Blessed Virgin Mary Church sa banwa it Banga nga saea ag owa gina-encourage it Simbahang Katolika ro pagpaeansang sa krus ukon pagsakit sa kaugalingon it mga deboto kada Semana Santa, partikular sa Biyernes Santo.
Suno kay Fr. Jude nga dapat nga i-separar ro aton nga panata kaysa sa pagtueu-uhan.
Saea suno kana ro panan-awan it iba nga maangkon nanda ro kapatawaran sa andang mga saea kon nagapa-eansang sa krus ukon ginasakit ro kaugalingon pinaagi sa pagbunae ukon paglatigo sa likod.
Dapat suno kana nga magpangamuyo ag magkumpisar kon gustong mapatawad ro mga saea nga naobra sa kaugalingon.
Pinaagi sigon sa pag-kumpisar it mga saea sa pari hay maipakita it sangka indibidwal ro anang handum nga bag-uhon ro anang kabuhi ag talikdan eon ro mga saea nga nahimo
Gindugang pa ni Fr. Jude nga ro pagpaeansang ag kamatayon ni Hesus sa Krus hay sobra eon agud nga tubuson ro tawo sa kasae-anan ag indi eon raya dapat nga umanon pa.
