Kalibo Aklan ———–Ginpasaeamatan ni Aklan Governor Florencio Miraflores si Pangueong Rodrigo Duterte sa pagpaeawig pa it sang dag-on it termino it Boracay Inter-Agency Task Force (BIATF).
Suno sa gobernador, kinahangean pa makaron ro extension bangud nga may mga naka-pending pang importanteng proyekto sa Isla sa idaeum it Boracay Action Plan partikular ro compliance sa 25+5 meter easement rule, drainage system ag ulihing phase it karsada .
Ginbilog ro BIATF agud nga magdumaea sa rehabilitasyon it Boracay matapos raya nga ipasarado sa sueod it 6 nga buean umpisa Abril 26 hasta Oktubre 2, 2018.
Nauna kara, nag apela si Department of Environment and Natural Resources (DENR) Secretary Roy Cimatu it extension bangud nga naka pending pa sigon ro Boracay Island Development Authority (BIDA) sa Kongreso nga hugut man nga ginapamaeabagan it mga taga-Isla.
