Pagpaeawig it Boracay Inter-Agency Task Force it haeos siyam nga buean, welcome development sa lokal nga gobyerno it Aklan

KALIBO, Aklan—Uman nga gin-extend  ni Pangueong Rodrigo Duterte  ro  termino  it  Boracay Inter-Agency Task Force (BIATF) hasta sa katapusan it anang pagdumaea sa nasyon.

Suno kay Provincial Administrator Selwyn Ibarreta nga napagdesisyunan it Presidente nga paeawigon pa ro termino it BIATF, nga imaw ro nagabuyot sa pagdumaea it rehabilitasyon sa isla it Boracay.

Sa idaeum it EO 147,  ro  termino it  BIATF hay  ginpaeawig pa it  hasta  sa Hunyo 30, 2022.

Madumduman  nga ginbilog ro  BIATF  pamaagi sa  EO 53 nga ginpirmahan it Pangueo ko  Mayo 18, 2018  agud nga maipatigayon ro rehabilitasyon it  Boracay.