Ginlaygayan it Land Transportation Office (LTO) ro tanan nga mga motorista ag nagapanag-iya it saeakyan nga i-renew eon ro andang mga dokumento bago ro July 31.
Suno sa LTO, pagkatapos it nasambit nga petsa, igapaidaeum eon sa ginapatuman nga mga patakaran ag multa ro mga expired nga lisensya, permit, ag rehistro it saeakyan nga owa pa na-renew.
Nasayuran nga ginpaeawig ro gahum it driver’s license, conductor’s license, student-driver’s permit, ag rehistro it saeakyan, kamana man ro owa pagpapanaog it multa para sa late renewal, matapos ipatuman it LTO ro three-month validity extension.
Ro mga lisensya ag rehistro nga nag-expire ko April ukon pagkatapos it nasambit nga buean hay gintaw-an it extension bangud sa State of National Energy Emergency.
