-- ADVERTISEMENT --
Ginapadasigan eon it Commission on Elections (COMELEC) ro pagpaguwa it resolusyon nga maga-separar sa fuel subsidy program halin sa election spending ban.
Suno kay COMELEC Commissioner George Garcia, apisar nga exempted eon ro programa, may pilang mga bangko ro nagakinahangean it resolusyong pirmado it mga commissioners antes magpaguwa it kwarta.
Bangud kara, ginmanduan ni Garcia ro sekretarya it komisyon nga i-follow up ro nakabinbin nga resolusyon.
Sa pihak nga parte, pagsueod it buean it Abril, una eon nga naging exempted ro fuel subsidy program halin sa election spending ban kasunod eon man raya sa petisyon it Land Transportation Franchising and Regulatory Board (LTFRB).
