Ginpasugtan eon it Department of Agriculture ukon DA ro pagpaguwa it imported refined sugar nga nauna eon nga ginsita it Bureau of Customs ukon BOC bangud sa owa raya it nagakaigo nga permit kat mag-abot sa nasyon ko nagtaliwan nga Pebrero 9.
Sa sangka memorndum kay Administrator David Alba it Sugar Regulatory Administration ukon SRA nga may petsang Pebrero 27.
Ginpahayag ni Agriculture Senior Undersecretary Domingo Panganiban nga puwedi eon nga mag-isyu ro sugar agency it “clearances for the release of imports” sa tatlong international traders.
Paathag ni Panganiban nga sa gahum it Sugar Order No 6 series of 2022-2023, ginpasugtan eon ro alokasyon it asukar ag base sa memo maghalin sa office of the Executive secretary, puwedi eon nga magguwa it imported sugar kung siin kapin sa 240,000 MT para sa All Asian Countertrade Inc., 100,000 MT para sa Edison Lee Marketing Corp. ag 100,000 MT para sa S&D Sucden Philippines Inc.
Kung madumduman, nag-apela ro tatlong planters federation sa SRA nga kumpiskahon ro refined sugar nga nag-abot sa may pantalan it Batangas ko Pebrero 9 nnga owa it import order.
