-- ADVERTISEMENT --
Bastante eon ro pagpahaum it mga manugturo para sa Mayo 9, 2022 national and local elections.
Raya ro ginpahayag ni Arlene James Pagaduan, National President it Action and Solidarity for the Empowerment of Teachers (ASSERT) sa sangka pakikipag-angot.
Suno kay Pagaduan nga bukon eon man it bag-o sa mga manugturo ro pagserbisyo kada eleksyn.
Una eon nga ginpahayag it Department of Education (DepEd) nga naga-abot sa 640,000 nga mga manugturo ro magaserbisyo sa 2022 elections.
Samtang, may apela man si Pagaduan sa masunod nga magiging lider it nasyon angot sa naeksperyensyahan nga krisis sa edukasyon kaibahan ro pagsabat sa mga problema sa online learning.
-- ADVERTISEMENT --
