National News———Ginpahayag it Human Rights Watch nga nakabase sa New York nga dapat pahilwayon it mga awtoridad it Pilipinas si Senador Leila de Lima umpisa sa pagkakulong matapos nga bawion it self-confessed drug dealer nga si Kerwin Espinosa ro anang mga akusasyon kontra kana.
Ginpahayag man ni HRW Deputy Asia Director Phil Robertson nga dapat man nga ibasura ro sa sigon hay ginhimo-himo nga kaso kontra sa senador.
Suno kana ro pagbawi ni Espinosa sa mga akusasyon kontra kay de Lima hay dapat magtapos sa limang dag-on nga pagkakulong it senador.
Sa sangka counter-affidavit nga gin-subscribe sa atubang it Department of Justice (DOJ) ko Huwebes, ginpamalibaran ni Espinosa ro anang mga ginsumpaang salaysay sa pagpamati it joint committee it Senado sa pagpatay sa anang ama nga si Mayor Rolando Espinosa, Sr.
Suno kana, imaw hay “ginpilit, ginpahadlukan ag seryosong ginpaeag” it pulisya nga ieakot si De Lima.
Para sa HRW, ro uman nga pagbalik- ni Espinosa hay nagabulgar nga ro administrasyong Duterte hay ginamanipula ro criminal justice system sa nasyon kontra sa sangka senador nga kritiko it kontrobersyal nga “drug war” kara.
