KALIBO, Aklan–Plano makaron it lokal nga gobyerno it Kalibo nga magpasa it sangka ordinansa para sa implementasyon it drug testing sa mga opisyal ag empleyado it gobyerno.
Suno kay Kalibo Sangguniang Bayan member Augusto Tolentino, raya hay sangka pamaagi para mapamatud-an it mga opisyal it gobyerno nga bukon sanda it eakot sa iligal nga droga ag dapat nga taw-an it kumpiyansa it publiko.
Dapat sigon nga mapabilin nga malimpyo ag drug free ro kada opisina it gobyerno halin sa provincial hasta it barangay level.
Gin-engganyo man kara ro kaparehong opisyal nga magpasakop sa nasambit nga inisyatiba ag indi magkahadlok eabi eon kung tampad raya sa pagpanerbisyo.
Nagaeaum si Tolentino nga insigidang mabaeay sa mas madali nga tyempo ro ordinasa agud nga maumpisahan eon ro implementasyon kara.
