Nagapati ro sangka political analysts nga owa it legal nga baeasihan ro manaba nga kapueongan it kongreso agud nga ipaiway ro barangay elections.
Suno kay atty. axel gonzales nga nakabaehag sa konstitusyon ro pagpatigayon it nasambit nga eleksyon.
Ro commission on elections ukon comelec eamang sigon ro may kinamatarung sa pagpa-isoe kara.
Nakasanayan eon suno kana ro pirmeng pagpaiway sa barangay elections bangud nga owa it sin-o man nga indibidwal ukon grupo nga nakaangkon it kabaskog it buot nga mag-kwestiyon sa legalidad kara sa korte suprema.
Apang nagapati imaw nga may grupo it mga abugado nga magatuhaw agud nga ipasaka sa supreme court ro nasambit nga isyu.
Sa pihak nga parte, gintawag nga kalokohan ni atty gonzales ro rason it kamara nga agud nga makatipid hay kinahangean nga i-postpone ro eleksyon.
Suno kana nga may nagakataeana eon nga pondo ro comelec para kara ag preparado eon ro tanan.
Nagapati imaw nga bangud sa pagka-ubos it pondo it mga pulitiko sa katatapos nga national elections rason nga owa eon sanda it ikatau nga budget sa mga kaalyado nga gustong magpa-ilihir sa barangay elections.
Para kay atty gonzales, dapat eon nga punduhon ro pauman-uman nga pagpaisoe it eleksyon bangud nga nagiging mas mahaba pa ro termino it mga barangay officials kaysa sa pangueo it nasyon.
Madumduman nga nauna eon nga gin-aprubahan it House Suffrage and Electoral Reforms committee ro mga proposed bill nga nagatuyo nga indi eon pagpatigayunon makaron nga 2022 ro barangay ag Sangguniang Kabataan elections ag sa baylo hay ipaisoe raya sa December 4, 2023.
