Gin-aprubahan eon it House Committee on Suffrage and Electoral Reforms ro hagna nga nagapaiway it nakataeanang Barangay ag SK election.
Napili it komite bilang bag-ong petsa para sa Barangay ag SK elections ro unang Lunes it Dec. 2023.
Nagdesisyon man ro komitiba nga ro magadaog sa nasambit nga eleksyon hay maga-upisa ro termino sa Enero 1, 2024 para sa period nga 3 dag-on.
Aprubado it komitiba ro probisyon para i-repeal ro presenteng laye para sa Desiyembre 2022 elections, ag gin-eakip man ro “holdover positions” kung siin ro mga incumbent ukon presenteng opisyal it mga barangay hay magapabilin hasta ma-iliher ro mga bag-ong opisyal sa Desiyembre 2023, mag-euwas kung sanda hay ginboue sa pwesto.
Samtang, ginarespeto it Comelec kung ano man ro desisyon it Kongreso angot sa hagna nga nagapaiway sa Barangay ag Sangguniang Kabataan ukon SK Elections.
Sa makaron nagapadayon ro Comelec sa pagpahaum apisar nga naaprubahan eon ro hagna sa committee level it Kamara, ag magasaka sa gihapon sa plenaryo.
