Ginsaylo it Los Angeles, California court ro schedule it mga pagpamati sa patung-patong nga kaso ni Kingdom of Jesus Christ leader Pastor Apollo Quiboloy.
Ro scheduling conflicts it mga abogado it pastor sa andang ibang mga kaso sa Los Angeles ro nakabutang bilang exhibit ukon documentary evidence sa mando it korte.
Angot kara, ginsaylo it District Court sa Central District it California ro petsa it pagpamati halin Nobyembre 5, 2024, sa Mayo 20, 2025, nga ro pre-trial conference hay nakataeana sa Abril 7, 2025.
Gintaw-an it kahigayunan it korte ro hinyo halin sa mga abogado ni Quiboloy ag anang kaparehong akusado agud masiguro nga mataw-an it hustisya.
Mag-eowas kay Quiboloy, ro mga kaparehong akusado kara nga mga opisyal man it Kingdom of Jesus Christ sa California hay sanday Guia Cabactulan, Marissa Duanes, Bettina Roces, Felina Salinas, ag Amanda Estopare.
Kaibahan sa mga ginapangatubang nandang kaso hay conspiracy to engage in sex trafficking by force, fraud, and coercion; sex trafficking of children; marriage fraud; fraud and misuse of visas; bulk cash smuggling; promotional money laundering; concealment money laundering; ag international promotional money laundering.
