-- ADVERTISEMENT --
KALIBO, Aklan–Patay ro waeong indibidwal matapos ro pag-atake it mga armadong suspek sa daywang simbahan sa Kano, Nigeria.
Suno kay Bombo International Correspondent Raymond Lastiere Epacta it Nigeria nga mag-euwas sa waeong indibidwal nga ginpamatay it mga owa pa natumod nga mga suspek ag kapin sa 38 man ka indibidwal ro gin-kidnap kara.
Ginapatihan nga pagpanakaw ro motibo it mga suspek sa nag-eontad nga pag-atake sa nasambit nga lugar.
Mataeopangdan nga ku nagtaliwan nga daywang dominggo inatake man it mga armadong suspek ro St. Francis Catholic Church sa bahin it Owo nga ginkamatay it 40 katawo.
Sa pihak nga parte, owa pa sa makaron it mga nalista ro awtoridad nga mga Pinoy nga nadaeahig sa nasambit nga insidente.
-- ADVERTISEMENT --
