Nagbalik eon sa normal ro pagpangabuhi it lokal ag mga Filipinos nga idto makaron sa nasyon it Sint Maarten.
Suno kay Bombo International Correspondent Sally Realon, uman eon nga nabuhi ro negosyo sa nasambit nga lugar matapos nga nagsibalikan ro pagdungka it mga cruiseships ag iba pang barko.
Apang sa makaron sigon hay off season rason nga sangkiri eon lang ro mga maeagkong barko nga nagadungka.
Sa pihak kara, nakakabaton eon imaw it bunos ag medyo mabahoe eon ro andang kita kon ikumpara ko mga nagtaliwan nga dinag-on partikular gid sa pagtama it pandemya.
Masami nga ginabakae it mga turista ag iba pang bisita hay ro baligyang electronics ag mga branded nga bag bangud nga barato eamang ro presyo kara idto.
Samtang, mas maabo ro populasyon it mga negosyanteng Indiano sa nasyon nga ginasundan it Chinese ag iba pang nationalities
