Amat-amat eon nga nagabalik sa normal ro pagpangabuhi it mga tawo sa Japan.
Suno kay Bombo International Correspondent Ryan Tordecillas, uwa eon ginaintindiha sa nasambit nga nasyon ro pandemya bangud nga nasanay eon man sanda nga kaibahan eon raya sa andang pagpangabuhi.// haeos tanan nga negosyo, eskwelahan ag opisina hay bukas eon.
Apang, napabilin gihapon it gobyerno ro permi nga pagsuksok it facemask eabi eon sa mga pampublikong lugar.
Ginpahayag dugang ni Tordecillas nga kaparehas iya sa Pilipinas, uwa eon it travel restriction mapabata ukon mapa magueang man.
Ro health authorities sa nasambit nga nasyon hay strikto gihapon sa mga indibidwal nga makabatyag it sintomas it covid-19 ag ro pasyente mismo ro naga-isolate sa anang kaugalingon agud nga inde eon makatapon sa iba.
