KALIBO, Aklan–Tumaeagsahon ro naging pagpanumpa nanday President-elect Joe Biden ag Vice President-elect Kamala Harris kumpara sa iba pang mga nagtaliwan nga seremonya it pagpanumpa it mga nag-agi nga presidente it Amerika.
Suno kay Bombo International Correspondent Nap Cumareng nga ro event nga ginpatigayon sa US Capitol sa Washington, DC, hay kadungan it padayun nga pagtaas it kaso it COVID-19 ag ro natabu nga bayolenteng pag-atake ko Enero 6 sa Capitol building it mga tagasuporta ni President Donald Trump kamana man ro pag-isnab ni trump sa okasyon.
Si outgoing Vice Presdent Mike Pence eamang ro nagtambong.
Recorded ro naging farewell address ni trump kun sa siin hay gintigsambilog kara ro mga acccomplishments nana sa nagtaliwan nga ap-at nga dag-on nga pagserbisyo.
Gindugang pa ni Cumareng nga nagapabilin nga hugut ro seguridad sa lugar, naging virtual ro procession ag pilang celebrities ro nagtambong kapareho nanday Tom Hanks, Lady Gaga, Justin Timberlake ag iba pa.
Sa pag istar sa White House, bukon eamang it si first lady Jill ro maka-ibahan ni biden kundi ro andang paboritong ayam nga si Major nga pagatawgon nga first dog.
