KALIBO, Aklan—Nagapadayun pa sa makarun ro pagpanudpod it ayuda para sa mga additional beneficiaries ag left out maghalin sa Social Amelioration Program (SAP).
Kapin man sa 150, 000 nga pamilya sa bilog nga rehiyon 6 ro natigayon eun nga makabatun it assistance.
Sa nasambitang numero, kapin sa 208 families ro maghalin sa banwa it Altavas , Balete 33, Banga-686, Batan-568, Buruanga-381, Ibajay-1,599, Kalibo -853, Lezo-88 , Libacao-431 , Madalag-294, Makato -331, Malay-1,877, Malinao-549, Nabas-279, New washington- 484, Numancia 285 ag Tangalan nga nakalista it 397 nga mga benipisyaryo.
Apang ginklaro man ni May Castillo it DSWD Region 6 nga may matabo pang pagbag-o sa mga nasambit nga numero.
Raya hay bangud “on going” pa ro pagpanudpod ag raya hay madugangan pa.
Ginapahayag dugang nga nagtapos eun ro andang direct pay out ag ro nabilin pa hay pamaagi sa digital.
