KALIBO, Aklan — Napuno it emosyon ro pagpasidungog sa sangka empleyado nga nadisgrasya samtang sa oras it trabaho nga gintunaan it anang hinali nga kamatayon sa ginpatigayon nga “Pasidungog 2019” it Civil Service Commission sa idaeum it “Pamanang Lingkod Bayani”.
Suno kay CSC-regional director Nelson Sarmiento nga ro empleyado nga si Eric Rebanio, 50, residente it Brgy. Linayasan, Altavas, empleyado it LGU-Altavas hay namatay matapos nga mahueog sa kapin 100 feet nga bangin ro anang ginamaneho nga backhoe sa Sitio Eahog, Brgy. Catmon, Altavas, Aklan ko Pebrero.
Nasayuran nga nagapatigayon it clearing operation ro LGU Altavas matapos nga makaangkon it landslide sa nasambit nga lugar tuga it mabaskog nga uean.
Ro anang asawa hay nagbaton it P100,000 nga one-time financial assistance ag plaque of recognition samtang ro anang daywang ka unga hay gintaw-an it scholarship grant sa anuman nga state colleges and universities.
